تهرّب من المسؤولية..كامل الوزير: لو الناس التزمت مش هيحصل حوادث

تقدم الفريق كامل الوزير وزير النقل والمواصلات، نائب رئيس الوزراء للتنمية الصناعية، بالتعزية لأسر ضحايا الحادث المأساوي في الطريق الإقليمي، قائلًا: بعزي كل أهالينا في مفقوديهم ونحتسبهم شهداء.

وأضاف الوزير خلال بث مباشر أجراه الاعلامي نشأت الديهي مقدم برنامج بالورقة والقلم: لا نتمني تكرار هذه الحوادث مرة اخرى.. الطريق تحت التطوير ولو كل الناس إلتزمت بأداب المرور.. والسلوكيات السليمة مش هتحصل حوادث.. هيبقي في حوادث اه بس مش مفجعة بالمنظر اللي شوفناه.

وتابع وزير النقل: سائق السيارة بيكون ماشي على الطريق وعايز يكسب 100 متر زيادة .. يروح معدي في الاتجاه المعاكس، مضيفًا: تلاقي ميكروباص أو عربية ملاكي في وشك وتروح لابس فيها الوش بالوش ده مش مقبول.. لو سمحتوا حافظوا على أنفسكم وعلى الآخرين.

واستكمل كامل الوزير حديثه: سواق عربية النقل ده لو لبس في عربية نقل زيه كان هيموت .. بس هو لبس في عربية ميكروباص وش في الوش هو مماتش لأن عربيته جامدة .. لو سمحتوا أصبروا شوية وبلاش السرعة حتى لو هتمشي بطئ .. عشان نكمل تطوير الطريق ورفع كفاءته.