رغم غرامة الـ500 جنيه.. المصريون يرفضون المشاركة في الانتخابات ويعلنون المقاطعة
أثار إعلان فرض غرامة مالية قدرها 500 جنيه على كل من يتخلف عن الإدلاء بصوته في الانتخابات بدون عذر، موجة غضب واسعة على مواقع التواصل الاجتماعي، حيث عبر آلاف المواطنين عن رفضهم المشاركة في العملية الانتخابية، معتبرين أن الغرامة لن تدفعهم إلى صناديق الاقتراع.
بعد إعلان الغرامة للممتنعين عن المشاركة في الانتخابات، انهالت التعليقات التي اتسمت بالغضب والسخرية في آن واحد، إذ كتب أحد المعلقين:
”والله لو 500 ألف مش هنتخب برده”،
بينما قال آخر:
“ده حق دستوري، للمواطن الحق يشارك أو يقاطع من غير ما حد يفرض عليه غرامة”
فقدان ثقة في العملية الانتخابية
عدد من التعليقات ركزت على فقدان الثقة في جدوى الانتخابات، حيث كتب أحدهم:
”بعد اللي حصل في أولادنا في الثانوية، إزاي نثق في انتخابات أو حكومة؟ للأسف بنقول دايمًا أولادنا ومستقبلهم أهم”
فيما تساءلت مواطنة أخرى بسخرية:
”طيب ما تكرموش الشعب بـ500 جنيه في إيد كل واحد بدل الغرامة، وساعتها هتلاقوا الناس كلها نازلة!”
مقاطعة معلنة وسخط متزايد
التعليقات اتفقت على فكرة المقاطعة، حيث كتب أحد المعلقين:
”أنا أقسمت بالله ما هنزل أي انتخابات تاني، مفيش حد بيدور على مصلحة الفقراء”
وأضاف آخر:
”ابتدينا نفس الشغل كل سنة.. ووعود بتتباع ومافيش حاجة بتتغير”
وتابع أحدهم:
”لا بقي والله مالكم فيها، أفرض مش عاجبني ولا مرشح”
سخرية من الغرامة واتهامات بالاستغلال
عدد من المعلقين وجهوا انتقادات مباشرة لما وصفوه بـ”استغلال الشعب”، حيث قالت إحدى المشاركات:
”هما بيعملوا إيه للناس؟ لبسوا فلوس ومنصب، والعربية الفخمة تحت البيت، إحنا اللي بندفع الغرامات وهم عايشين مبسوطين”
وقالت بعض الردود الساخرة:
“ما إدّيتكوا قبل كده، قلتوا هنتغير ومافيش حاجة اتغيرت”
رسالة الشارع: المقاطعة هي الرد
الانطباع العام من التعليقات يعكس حالة غضب وفقدان ثقة واسعة في العملية الانتخابية، حيث يرى المواطنون أن المشاركة أصبحت “غير مجدية” وأن الغرامات “لن تجبرهم على التصويت”، في وقت تتزايد فيه المطالب بإصلاحات حقيقية قبل الحديث عن المشاركة السياسية.
