أحمد حلمي الحقيقي
في حتة كدا كبيرة جنب رمسيس اسمها ميدان احمد حلمي.. مين بقي احمد حلمي … اللي يسموا ميدان مشهور قوي كدا ع اسمه ..
أحمد حلمي صحفى مصري اتولد في حى الحسين بالقاهرة سنة 1875، واشتغل مع مصطفى كامل في جريدة اللواء، وكتب مقاله الشهير “يا دافع البلاء” عن حادثة دنشواى
حلو.. حلمي كمان اتُهم بالعيب في الذات الملكية عشان عارض الخديوي عباس حلمي الثاني، واتسجن كمان.. وهو اول صحفي اتسجن بالتهمة دي ..
وبعدها أصدر صحيفة اسمها “القطر المصري” والاحتلال الانجليزي قفلهاله.. وفضل يشاكس ويراوغ مقال هنا .. كلمة حق هنا .. جريدة تتقفل .. وغيرها تتفتح
ومات عام 1936 عن 61 سنة تقريبا , واتسمى الميدان والشارع في القاهرة باسمه.
وقبل ما يموت جاله حفيد . يا دوب شافه 6 سنين ومات .. الحفيد دا هو الشاعر المصري صلاح جاهين… اللي اسمه محمد صلاح الدین بھجت أحمد حلمى . رحمه الله عليه واسكنه فسيح جناته.
