حكومة الحزب أو الأحزاب ده نظام موجود في الديمقراطيات “بعد الشر” اللي فيها أحزاب حقيقية، وازاي ده بيحصل؟
القصة بتبدأ بانتخابات حقيقية، والحزب الفايز بالأغلبية، أو تحالف أحزاب، هو اللي يشكل الحكومة، والحكومة هنا بتكون أداة في إيد الحزب، وكل الوزراء بيبقوا من نفس الحزب، أو التحالف.
والحزب هو اللي بيقرر السياسات، والحكومة بتطبقها، والحكومة مسؤولة قدام الحزب، والحزب مسؤول قدام الناخبين.
أما بقى اللي بيحصل في مصر دلوقتي، فمفيش انتخابات حقيقية تنافسية، والحكومة هي اللي بتتبنى حزب، أو أكثر، يكون تابع ليها، زي أحزاب عائلة وطن ووطنية.
والأحزاب دي مش هي اللي بتختار الحكومة، بالعكس الحكومة هي اللي بتختار الحزب ونوابه وتوجههم كمان.
والأحزاب دورها أنها تدير العملية السياسية والبرلمانية بشكل شكلي تمثيلي ومنظم لصالح الحكومة.
والنتيجة مفيش رقابة حقيقية، والحكومة بتعمل اللي هي عايزاه، والحزب دوره تأييد القرارات.
